Abissnet Superiore në RTSH/ Tirana merr fitoren e parë në kampionat, Vora “dorëzohet” në “Selman Stërmasi”
Tirana nuk gabon në “Selman Stërmasi”, mposht me rezultatin 4-0 Vorën dhe merr fitoren e parë sezonale në kampionat.
Bardheblutë duhet të reagonin pas dy humbjeve radhazi në kampionat dhe ndonëse pa mbështetjen e tifozëve, në ndeshjen e parë në shtëpi arrijnë që të mposhtin Vorën me rezultatin 4-0, duke marrë pikët e para sezonale në Abissnet Superiore.
Kish zhbllokoi ndeshjen, ndërsa Xhixha dyfishoi shifrat në pjesën e parë. Hazrollaj bëhet protagonist për vendasit në pjesën e dytë, pasi shënon dy gola në portën e Vorës, duke vulosur fitoren e parë të Tiranës në këtë kampionat.
Vora u duk e pafuqishme në kryeqytet. Skuadra e Bellajit pëson humbjen e dytë radhazi në kampionat.
Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.
