Dy persona kanë mbetur të plagosur në një aksident të ndodhur në aksin rrugor të Kaninës, në Vlorë.
Përplasja ka ndodhur mes dy automjeteve, të cilat kanë pësuar dëmtime si pasojë e goditjes.
Të lënduarit, mes tyre një grua nga Elbasani, janë dërguar menjëherë në spital për kontrolle dhe trajtim mjekësor.
Burime mjekësore bëjnë me dije se gjendja e tyre paraqitet e qëndrueshme dhe se kanë marrë dëmtime të lehta, pa rrezik për jetën.
Ndërkohë, policia ka nisur verifikimet në vendngjarje, ndërsa grupi hetimor po punon për të përcaktuar dinamikën e aksidentit dhe përgjegjësinë e drejtuesve të mjeteve.
