Barcelona shkëlqen ndaj Valencias, fiton me rezultat të thellë

Barcelona ka vazhduar serinë perfekte në La Liga, duke marrë fitoren e katërt radhazi pas triumfit të thellë 5-0 ndaj Valencias në “Mestalla”.

Skuadra katalonase e zhbllokoi rezultatin që në minutën e pestë me Lamine Yamal, ndërsa Fermín Lopez shënoi golin e dytë para përfundimit të pjesës së parë.

Pas pushimit, Raphinha e çoi avantazhin në 3-0, ndërsa Pedri dhe Yamal kompletuan suksesin bindës të Barcelonës.

Me katër fitore nga po aq ndeshje, Barcelona kryeson me 12 pikë dhe është skuadra e vetme me bilanc të plotë në kampionat. Real Madridi ndodhet tri pikë prapa, ndërsa Valencia vazhdon të kërkojë pikët e para pas një starti zhgënjyes.