Një aksident tragjik ka ndodhur mbrëmë rreth orës 02:22, në rrugën dytësore në Manzë, ku si pasojë tre të rinj kanë humbur jetën dhe dy të tjerë kanë mbetur të plagosur.
Bëhet me dije se 25-vjeçari, Kleo Vrioni, duke drejtuar automjetin, ka humbur kontrollin mbi drejtimin e tij dhe është përplasur me një bordurë betoni.
Si pasojë e përplasjes, drejtuesi i mjetit, Kleo Vrioni dhe dy pasagjerët Sara Brugentelli, 26-vjeçe dhe Alvi Muhaxhiri 15-vjeç kanë humbur jetën. Ndërsa të plagosur kanë mbetur Rejsi Vrijoni 26-vjeç dhe 16-vjeçari, Klevis Dervishi. Ky i fundit është transportuar drejt Tiranës në gjendje të rëndë.
Drejtuesi i mjetit dhe pasagjerja Sara Brugentelli me origjinë nga Italia ishin çift. Dy të rinjt ishin martuar vetëm pak ditë më parë.
Pas përplasjes së mjetit, në vendngjarje mbërritën shërbimet e emergjencës dhe zjarrfikësit, të cilët ndërhynë për nxjerrjen e personave nga automjeti.
Dy të plagosurit u transportuan për ndihmë mjekësore, ndërsa trupat e tre viktimave u dërguan në morg.
Sakaq, grupi hetimor ndodhet në vendngjarje dhe po punon për dokumentimin e plotë të rrethanave të aksidentit tragjik.
Njoftimi i Policisë:
Durrës/Informacion paraprak
Rreth orës 02:22, në rrugën dytësore në Manzë, shtetasi K. V., 24 vjeç, duke drejtuar automjetin, ka humbur kontrollin mbi drejtimin e tij dhe, për pasojë, automjeti është përplasur me një bordurë betoni. Si pasojë e aksidentit, drejtuesi i automjetit, shtetasi K. V., 25 vjeç, dhe pasagjerët, shtetasit S. B., 26 vjeçe, dhe A. M., 15 vjeç, kanë humbur jetën.
Pasagjerët e tjerë, shtetasit R. V., 25 vjeç, dhe K. D., 16 vjeç, janë dëmtuar dhe janë nisur drejt Tiranës për ndihmë mjekësore. K. D, ndodhet në gjëndje të rëndë shëndetësore. Grupi hetimor ndodhet në vendngjarje dhe po punon për dokumentimin dhe sqarimin e plotë të rrethanave të aksidentit.
j.l./ dita
Me vjen shume keq! Nuk duhej te ndodhte keshtu…!
Rrypat e sigurimit i kishin?