E djathta ekstreme triumfon në Gjermani, AfD kryeson në Saksoni-Anhalt

Në Gjermani, qendrat e votimit në Saksoni-Anhalt janë mbyllur pas zgjedhjeve për parlamentin e këtij landi, ku rreth 1.7 milionë qytetarë kishin të drejtë vote, transmeton Gazeta Metro.

Sipas exit-polleve, AfD ka dalë forcë e parë me 44.5 për qind të votave, duke shënuar një rritje prej afro 24 pikësh krahasuar me zgjedhjet e kaluara.

CDU renditet e dyta me 18.5 për qind, ndërsa Die Linke ka marrë 9.5 për qind dhe SPD rreth 8 për qind.

Rezultati pritet të ketë ndikim të madh në zhvillimet politike në pjesën lindore të Gjermanisë. Nëse AfD arrin të krijojë qeverinë, ajo do të bëhej forca e parë e ekstremit të djathtë që drejton një land gjerman që nga përfundimi i Luftës së Dytë Botërore.