Maisie Williams rrëfen vitet e vështira pas ‘Game of Thrones’: Ishte ferr

Aktorja Maisie Williams, e njohur që në adoleshencë për rolin e Arya Stark në “Game of Thrones”, ka folur për vështirësitë që përjetoi pas përfundimit të serialit në vitin 2019.

Ajo e ka përshkruar pjesën e parë të të 20-ave si një periudhë të rëndë, gjatë së cilës u përball me pasiguri për të ardhmen, përvojat e fëmijërisë, pandeminë dhe vështirësitë në industrinë e filmit.

Pas ndarjes nga Reuben Selby në vitin 2023, Williams tha se ka bërë ndryshime të rëndësishme në jetën e saj. Ajo u largua nga Londra, nisi të jetonte e vetme dhe iu përkushtua më shumë aktiviteteve që i sjellin qetësi, përfshirë jogën, vrapin, notin, çiklizmin, leximin dhe shëtitjet me qenin.

“Jam e dashuruar. Kaq do të them”.

Aktorja konfirmoi se aktualisht është në një lidhje të re dhe se ndihet shumë e lumtur. Ajo nuk bëri të ditur identitetin e partnerit, por tha se kjo marrëdhënie është ndryshe nga ato të mëparshmet dhe se një prej gjërave që e vlerëson më shumë është fakti se “ka shumë të qeshura”.