Ylli portugez i futbollit, Cristiano Ronaldo, i ka dhënë fund beqarisë duke u martuar me partneren e tij prej shumë kohësh, Georgina Rodríguez, në një ceremoni civile të mbajtur në Portugali.
Çifti, që është bashkë që nga viti 2016, e bëri të ditur lajmin e madh të martën përmes një postimi të përbashkët në Instagram, ku publikuan një fotografi duke treguar unazat e tyre të martesës.
Ronaldo dhe Georgina u takuan për herë të parë në Madrid, në kohën kur ajo punonte si shitëse në një dyqan luksoz “Gucci”. Historia e tyre e dashurisë mori një hap zyrtar vitin e kaluar, kur u fejuan dhe Rodriguez publikoi foto me unazën e madhe të diamantit, shoqëruar me shkrimin romantik: “Po, po. Në këtë dhe në të gjitha jetët e mia.”
Sulmuesi 41-vjeçar, një nga futbollistët më të dekoruar në historinë e këtij sporti me hapat e tij te Manchester United, Real Madrid, Juventus dhe aktualisht te Al-Nassr në Arabinë Saudite, është baba i pesë fëmijëve, dy prej të cilëve i ka me Georginën.
j.l./ dita
