Dhurata e ditëlindjes që ia ndryshoi jetën: I dhuruan biletë lotarie, burri fiton 1 milion dollarë

Një burrë nga Illinois ka fituar 1 milion dollarë në lotari falë një bilete që e kishte marrë dhuratë nga një mik për ditëlindje.

Në fillim, ai dhe miku i tij besuan se bileta kishte fituar vetëm 1 mijë dollarë, pasi çmimi ishte lexuar gabimisht. Por në qendrën e lotarisë, fituesi mësoi lajmin e vërtetë: ai kishte siguruar çmimin prej 1 milion dollarësh.

Me paratë e fituara, burri planifikon të udhëtojë për të takuar familjen në Florida dhe të blejë një makinë të re.

Një pjesë të fitimit ai do ta përdorë edhe për të festuar 40-vjetorin e martesës me një udhëtim, duke e kthyer dhuratën e ditëlindjes në një nga surprizat më të mëdha të jetës së tij.