Komuna e Vitisë i është bashkuar nismës “Ora e Pritjes”, duke nisur numërimin mbrapsht drejt 16 shtatorit, në mbështetje të ish-krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi dhe Rexhep Selimi.
Ky aktivitet është pjesë e nismës së platformës qytetare “Liria ka Emër”, e cila po shtrihet në komunat e Kosovës nën moton “Kosova po pret”.
Përmes “Orës së Pritjes”, organizatorët synojnë të përcjellin simbolikisht pritjen deri më 16 shtator, datë kur pritet vendimi në procesin gjyqësor ndaj ish-krerëve të UÇK-së në Hagë.
Në kuadër të aktiviteteve të “Liria ka Emër”, më 12 shtator në Prishtinë është paralajmëruar edhe “Marshi për Liri”, i cili do të mbahet vetëm pak ditë para 16 shtatorit.
Nisma po vazhdon të përhapet nëpër komunat e Kosovës, duke përcjellë mesazhin: “Edhe Vitia po pret. Kosova po pret.”