Zelensky bisedon me Witkoff dhe Kushner

Presidenti ukrainas Volodymyr Zelensky zhvilloi një bisedë telefonike me të dërguarin special të presidentit amerikan Donald Trump, Steve Witkoff, dhe dhëndrin e presidentit amerikan, Jared Kushner.

Zelensky e cilësoi bisedën si “të mirë, të detajuar dhe konstruktive”. Sipas tij, diskutimet u përqendruan edhe te përcaktimi i një date për një vizitë në Ukrainë.

“Ekipet tona do të qëndrojnë në kontakt për të hartuar axhendën dhe për të përcaktuar orarin më të përshtatshëm për komunikim të mëtejshëm”, shkroi Zelensky në Telegram.

Biseda vjen në kuadër të kontakteve diplomatike mes Kievit dhe administratës amerikane, ndërsa palët vijojnë përpjekjet për të koordinuar hapat e ardhshëm lidhur me luftën në Ukrainë.