Rusia njofton për “sulme masive” ndaj infrastrukturës energjetike të Ukrainës

Rusia ka njoftuar se po përgatit “sulme masive” kundër infrastrukturës energjetike të Ukrainës , në një kohë kur bastisjet në objektet kritike janë intensifikuar.

“Forcat e armatosura ruse kanë filluar përgatitjet për sulme masive ndaj objekteve të sektorit energjetik të Ukrainës”, tha Ministria ruse e Mbrojtjes në një deklaratë në Telegram.

Moska ka pohuar se sulmet e planifikuara janë një përgjigje ndaj operacioneve të vazhdueshme ukrainase kundër “infrastrukturës civile” dhe kompleksit rus të naftës dhe energjisë.

Njoftimi vjen në një kohë tensionesh të larta, me infrastrukturën energjetike gjithnjë e më shumë në qendër të sulmeve nga të dyja palët.