Kryeministri izraelit Benjamin Netanyahu urdhëroi këtë të hënë sulme në periferitë jugore të të kontrolluara nga Hezbollahu, duke sinjalizuar përshkallëzim të mëtejshëm të një lufte që ka komplikuar ndërmjetësimin drejt zgjidhjes së konfliktit SHBA-Iran.
Zëdhënësi i Ministrisë së Jashtme të Iranit, Esmaeil Baghaei, deklaroi sot se sulmet izraelite në Liban ishin ndër faktorët që shkaktuan vonesë në procesin diplomatik për t’i dhënë fund luftës SHBA-Iran, duke përsëritur se një armëpushim në Liban ishte një pjesë integrale e çdo marrëveshjeje.
Netanyahu dhe Ministri i Mbrojtjes, Israel Katz, urdhëruan ushtrinë izraelite të sulmojë “objektiva terroriste” në periferitë jugore të Bejrutit, të njohura si Dahiyeh, pas “shkeljeve të përsëritura” të armëpushimit nga Hezbollahu dhe “sulmeve kundër qyteteve dhe qytetarëve tanë”, thuhet në një deklaratë nga zyra e Netanyahut.
Ky urdhër vjen pas një intensifikimi të armiqësive në jug gjatë fundjavës, me trupat izraelite që pushtuan Kështjellën 900-vjeçare Beaufort dhe Netanyahu që urdhëroi ushtrinë të zgjeronte operacionet tokësore.
Sondazh
Lexo gjithashtu
