Mediu për vizitën e Berishës në SHBA: Çdo gjë ka shkuar përtej pritshmërive

6 Shtator 2026, 21:29, Politikë CNA

Mediu për vizitën e Berishës në SHBA: Çdo gjë ka

Kryetari i Partisë Republikane, Fatmir Mediu ka folur mbrëmjen e sotme lidhur me takimin e kryedemokratit Sali Berisha në New Jersey të SHBA-së.

Në një lidhje me Euronews Albania, Mediu u shpreh se takimi i sotëm tregoi dëshirën e madhe të shqiptarëve të Amerikës për të takuar Berishën dhe për të bashkëbiseduar me të.

“Unë mendoj që çdo gjë ka shkuar jashtëzakonisht mirë, tej pritshmërive. Takimi i sotëm tregoi që shqiptarët e Amerikës kishin një dëshirë jashtëzakonisht të madhe për të takuar zotin Berisha dhe për të bashkëbiseduar me të. Ka pasur një bashkëbisedim me pyetje dhe përgjigje dhe një takim jashtëzakonisht i bukur, i cili vjen mbas një takimi që u bë mbrëmë në një darkë të shtruar me përfaqësues të komunitetit shqiptar të të gjitha trojeve, që ishte jashtëzakonisht pozitiv, me figura të cilat njihen tashmë për kontributin e tyre edhe për çështjen e Kosovës, edhe për çështjen shqiptare në Maqedoni, për çështjen kombëtare në përgjithësi, por edhe përfaqësues, ish-zyrtarë të Departamentit të Shtetit, por edhe të politikës amerikane, të cilët asistuan darkën e mbrëmshme”, u shpreh Mediu.

I pyetur për raportimet lidhur me një protestë që është bërë sot në SHBA, Mediu tha se Berishën nuk deshën ta linin në Amerikë dhe jo most ë kishte njerëz që protestonin kundër tij.

Ai shton më tej se i vetmi autoritet i cili ka qenë dy herë në Shtëpinë e Bardhë i ftuar zyrtarisht ka qenë kryedemokrati Sali Berisha.

“Zotin Berisha nuk deshën ta linin në Amerikë jo më mos të kishte shtatë veta që të protestonin. Është është bërë një politikë e tëra për ta shkatërruar opozitarizmin dhe në një mënyrë të veçantë për të shkatërruar historinë politike që ka ndërtuar zoti Berisha nga Shtetet e Bashkuara të Amerikës. Sepse ne ndonjëherë i marrim ccështjet në kuptimin personal, por harrojmë që ka qenë një moment jashtëzakonisht i vështirë për historinë e ndërtuar ndër vite ndërmjet Shqipërisë dhe SHBA-së.

Dhe për të freskuar kujtesën gjithsecili: I vetmi autoritet i cili ka qenë dy herë në Shtëpinë e Bardhë i ftuar zyrtarisht ka qenë zoti Berisha, me Presidentin Bush edhe me Presidentin Clinton. I vetmi autoritet i cili ka pritur një president të zgjedhur në detyrë të Shteteve të Bashkuara të Amerikës në Tiranë ka qenë zoti Berisha. Dhe ka dhënë dy lajme të jashtëzakonshme Presidenti Bush në Tiranë, që ka qenë pavarësia e Kosovës edhe Shqipëria në NATO.

Kryeministri që firmosi në atë kohë edhe anëtarësimin e Shqipërisë në NATO që është një nga fitoret më të mëdha të shqiptarëve dhe jetën shqiptare të Shqipërisë për kombin shqiptar, ishte zoti Berisha”, u shpreh Mediu. /CNA