‘Zjarri i Lirisë’ ndizet në Gllogjan, mesazh mbështetjeje për ish-krerët e UÇK’së në Hagë

Në Gllogjan është zhvilluar sonte ndezja e “Zjarrit të Lirisë”, aktivitet përmes të cilit u përcoll mbështetje për ish-krerët e UÇK-së që po përballen me procesin gjyqësor në Hagë: Hashim Thaçi, Kadri Veseli, Jakup Krasniqi dhe Rexhep Selimi, transmeton Gazeta Metro.

Në këtë ngjarje morën pjesë veteranë e ish-pjesëtarë të UÇK-së, familjarë të dëshmorëve, invalidë të luftës, bashkëluftëtarë dhe qytetarë të shumtë. Aktiviteti u zhvillua në një prej vendeve më të rëndësishme të historisë së luftës në Kosovë.

Pjesëmarrësit shprehën solidaritetin e tyre me katër ish-krerët e UÇK-së, duke theksuar se lidhja me bashkëluftëtarët që ndodhen në Hagë vazhdon edhe sot.

Ndezja në Gllogjan është pjesë e një aktiviteti që po zhvillohet në zonat ku ka vepruar UÇK-ja. Përmes tij synohet të përcillet mesazhi i përkrahjes për ish-krerët e saj dhe të rikujtohet sakrifica e atyre që kontribuuan në luftën për çlirimin e Kosovës./gazetametro.net