Zjarri në zonën e Qafë Helmesit, në Fushë-Bulqizë, vijon të paraqitet problematik, ndërsa flakët kanë dalë jashtë kontrollit.
Era e fortë dhe temperaturat e larta kanë favorizuar përhapjen e vatrës, ndërsa terreni i thepisur malor po e vështirëson ndjeshëm ndërhyrjen e forcave në terren.
Në disa prej zonave të prekura, mjetet zjarrfikëse nuk mund të afrohen për shkak të terrenit të vështirë.
Për shuarjen e flakëve janë angazhuar efektivë të shërbimit zjarrfikës, punonjës të Bashkisë Bulqizë dhe shërbimit pyjor, si dhe forca të Forcave të Armatosura.
Ndërhyrja vijon me synim izolimin e vatrës dhe parandalimin e përhapjes së mëtejshme të zjarrit.
