Një i ri, teksa mori fjalën në protestë, hodhi akuza të forta ndaj fondacionit Soros dhe kërkoi që ai të shpallet i padëshirueshëm në Shqipëri.
Ai e cilësoi fondacionin si “mafia”, që sipas të cilit, ka shkatërruar Shqipërinë. Sipas tij, kur të largohet kryeministri Edi Rama, gjëja e parë që do të kërkojnë është shpallja non grata e fondacionit.
“Prej 34 vitesh, mafia Soros ka shkatërruar këtë vend. Që kur erdhi ky si folës në zyrë, mafia Soros nëpërmjet instituteve vendosi që Shqipëria të hyjë në një proces që quhet axhenda Soros për rrënimin, falimentimin dhe shpopullim e Shqipërisë.
Sot Alex Soros, George Soros, Fondacionit Soros, mafies Soros i them sapo Rama të bjerë dhe pesë kërkesat të realizohet, donacioni Soros në Shqipëri do të shpallet i padëshirueshëm, do të shpallet non grata. Poshtë mafia Soros. Soros non grata”, u shpreh i riu.
