Talenti i Interit, Francesco Pio Esposito, pritet të nënshkruajë një zgjatje kontrate deri në vitin 2032 sot, raporton Sky Sport.

Sulmuesi i Interit dhe Italisë, Pio Esposito, do të nënshkruajë sot një zgjatje të kontratës me Nerazzurrët, përcjell GazetaBlic Sport.

Një marrëveshje midis klubit dhe lojtarit është arritur tashmë, dhe sipas mediumit, sulmuesi 21-vjeçar do të nënshkruajë kontratën e tij të re sot.

Kontrata aktuale e Espositos në San Siro skadon në qershor 2030 dhe Nerazzurrët do ta zgjasin atë me dy vjet të tjera deri në qershor 2032.

Sipas Sky, Interi do ta rrisë pagën e Espositos në 2.5 milionë euro plus bonuset. Nëse plotësohen të gjitha bonuset, Esposito do të fitojë deri në 3 milionë euro në sezon.

/GazetaBlic Sport