Aktivisti Arben Kola ka bërë thirrje gjatë protestës për hetimin dhe ndëshkimin e zyrtarëve që, sipas tij, janë përfshirë në korrupsion.
Ai iu drejtua edhe SPAK-ut, të cilin e cilësoi si një nga institucionet ku shqiptarët vazhdojnë të kenë besim, se duhet të veprojë ndaj personave që janë përgjegjës për korrupsion dhe abuzim me pushtetin.
Sipas tij, ka ardhur koha që pushtetarët të arrestohen dhe prokurorët e SPAK të mos kenë frikë dhe nëse kanë frikë, ai tha se “ka plot djem me shkollim të duhur që janë gati t’i kërcasin prangat këtyre tradhtarëve”.
“Çdo pushtet dhe diktaturë nuk mbijeton pa servila dhe zagarë. Kështu që ju ka ardhur ora që të gjithë të arrestohen dhe një thirrje shkon për SPAK, si i vetmi institucion ku shqiptarët vazhdojnë akoma të kenë besim.
Me rroga të majme 9 mijë euroshe në muaj, 10 mijë e 15 mijë, ata vazhdojnë të flenë mbi dosjet e korrupsionit. Në rast se ju keni frikë të arrestoni tradhtarët dhe mafiozet, ka plot djem me shkollim të duhur që janë gati ti kërcasin prangat këtyre tradhtarëve”, tha Kola.
