Situata vijon të jetë kritike në Lurë, ku zjarret kanë dalë jashtë kontrollit dhe flakët po afrohen pranë zonave të banuara.
Mbi 170 forca janë angazhuar në terren për përballimin e situatës, mes tyre punonjës të Bashkisë Dibër, të zonave të mbrojtura, efektivë të Policisë dhe Forcave të Armatosura. Në operacion është përfshirë edhe ndërhyrja nga ajri, me dy avionë që po punojnë për frenimin e përhapjes së flakëve.
Dyshimet paraprake janë se zjarret mund të jenë të qëllimshme, pasi janë konstatuar disa vatra në zona të ndryshme.
Një person ka pësuar asfiksi nga tymi dhe ka marrë trajtim në spital.
