Një shqiptar nga Maqedonia e Veriut, pjesëmarrës në protestën e 77-të, ka bërë thirrje për më shumë vëmendje ndaj shqiptarëve që jetojnë jashtë kufijve të Republikës së Shqipërisë.
Ai ngriti pyetjen se çfarë ka bërë shteti shqiptar për shqiptarët që jetojnë jashtë territorit të Republikës së Shqipërisë.
I riu u bëri thirrje shqiptarëve që të marrin përgjegjësi dhe të marrin pjesë në protestë, duke theksuar se ndryshimi, duhet të arrihet në mënyrë paqësore.
“Shqipëria duhet të ketë kujdes për të gjithë shqiptarët. Ne në 2026 sot protestojmë për të folur shqip. Para disa ditësh pashë në Tuz e kishin ndërprerë kolonën që kishte shkuar të merret nusen vetëm se kishin vendosur flamurin kombëtar aty sipër. Ajo që më brengos është kjo? Cfarë ka bërë shteti shqiptar për shqiptarët jashtë Republikës së Shqipërisë, që jemi më shumë sesa ju që jeni brenda territorit.
Ata që nuk janë këtu mund të mendojnë që nuk na ka ngelur ne për të shpëtuar Shqipërinë.
E kemi në dorë vetë, secili ka përgjegjësinë kombëtare, të vijë këtu dhe të tregojë që ne jemi shqiptarë. Në këtë mënyrë paqësore të arrijmë qëllimin tonë se Shqipëria nuk shitet. Kemi dhënë mjaftueshëm tokë, nuk kemi më”, tha shqiptari nga Maqedonia e Veriut.
