Një incident i rëndë është regjistruar mesditën e kësaj të shtune në një lokal të frekuentuar në Elbasan.
Ngjarja ka shkaktuar panik te personat që ndodheshin në ambientet e lokalit.
Sipas të dhënave paraprake, një person dyshohet se është afruar pranë një tjetër dhe i ka drejtuar armën.
Më pas, i dyshuari dyshohet se ka dalë nga lokali me armë në dorë.
Në momentin kur ka tentuar të qëllojë në drejtim të personit që kishte shënjestruar, pistoleta dyshohet se i është bllokuar.
Ky detaj mund të ketë shmangur përshkallëzimin e situatës dhe pasoja më të rënda.
Pas marrjes së njoftimit, policia ka nisur menjëherë veprimet hetimore për zbardhjen e ngjarjes.
Sipas të dhënave paraprake, uniformat blu kanë identifikuar personin e dyshuar si autor të incidentit.
Policia vijon kërkimet për lokalizimin dhe kapjen e tij.
Ndërkohë, grupi hetimor po mbledh prova dhe dëshmi nga personat që kanë qenë të pranishëm në lokal.
Hetuesit po punojnë për të rindërtuar të gjithë dinamikën e ngjarjes.
Gjithashtu, po hetohen rrethanat dhe motivi që mund të ketë çuar në përplasjen mes dy personave.
Deri në këto momente, informacionet mbeten paraprake dhe pritet që policia të japë detaje të tjera për incidentin.
