Tifozët e Juventusi dhe klubi e nderojnë të ndjerin, Franco Baresi, legjendën e Milanit

Futboll

Gazeta Express

06/09/2026 22:42

Në tribuna, tifozët e Juventusit nderuan kujtimin e ish-kapitenit të Milanit: “7-3-90, faleminderit Baresi”.

Pak minuta para ndeshjes së madhe mes Juventusit dhe Milanit, i gjithë “Allianz Stadium” u bashkua për të kujtuar Franco Baresin.

Në ekranet gjigante të stadiumit u shfaq një fotografi e legjendës së kuqezinjve. Ai ndërroi jetë më 31 korrik, në moshën 66-vjeçare.

Tifozët e Juventusit dhe Milanit iu bashkuan një duartrokitjeje të gjatë dhe emocionuese.

Në tribuna u shfaq edhe një banderolë me një kuptim të veçantë: “7-3-90, faleminderit Baresi”.

Ajo i referohet 7 marsit 1990, kur Mecheleni dhe Milani u përballën në Heysel në çerekfinalet e Kupës së Kampionëve.

Para ndeshjes, Baresi, i shoqëruar nga drejtori i Milanit, Paolo Taveggia, dëshironte të nderonte viktimat e tragjedisë që kishte ndodhur në të njëjtin stadium pesë vite më parë, edhe pse UEFA dhe autoritetet belge nuk e kishin autorizuar këtë iniciativë.

Baresi solli 39 trëndafila të kuq, një për secilin prej 39 personave që humbën jetën më 29 maj 1985, para finales së Kupës së Kampionëve mes Juventusit dhe Liverpoolit.

Tifozët e Juventusit nuk e kanë harruar kurrë atë gjest./GazetaExpress/