Zhduket 80-vjeçari nga Ferizaj, për herë të fundit u pa në Tiranë

Një 80-vjeçar nga Ferizaj është raportuar i zhdukur dhe autoritetet kanë kërkuar ndihmën e qytetarëve për lokalizimin e tij, transmeton Gazeta Metro.

Hamëz Ismajli nuk është kthyer në shtëpi që nga 17 gushti 2026. Sipas të dhënave të bëra publike, ai është parë për herë të fundit më 18 gusht në Stacionin e Autobusëve në Tiranë, pasi kishte udhëtuar atje me një kompani nga Kosova.

Dyshohet se i moshuari kishte shkuar në kërkim të një personi nga Tirana dhe gjatë qëndrimit në stacion kishte pyetur qytetarë për të.

Autoritetet u kanë bërë thirrje të gjithë atyre që mund të kenë ndonjë informacion për vendndodhjen e Hamëz Ismajlit që ta raportojnë te organet kompetente./gazetametro.net