Një automjet tip “Audi A8” është përfshirë nga flakët në rrugën e bypass-it, në afërsi të Radhimës në Vlorë ditën e sotme (3 shtator).
Siç shihet edhe nga pamjet, automjeti është djegur plotësisht. Fatmirësisht, nga kjo ngjarje nuk raportohet për persona të dëmtuar.
Menjëherë në vendngjarje kanë mbërritur forcat zjarrfikëse, të cilat kanë ndërhyrë për shuarjen e flakëve.
Shkaqet e zjarrit mbeten ende të paqarta dhe pritet të përcaktohen nga hetimet. Paraprakisht dyshohet për një shkëndijë elektrike në motor.
