Valë ndryshimesh në Policinë e Shtetit, ja kush u largua

Ndryshime në drejtimin e strukturave të Policisë së Shtetit janë shënuar së fundmi, me lëvizje edhe në Drejtorinë e Kufirit dhe Migracionit në Korçë.

Sipas informacioneve, drejtori i Kufirit dhe Migracionit në Korçë, Gëzim Zhupaj është transferuar në një tjetër detyrë dhe është emëruar shef sektori në Drejtorinë e Përgjithshme të Policisë së Shtetit.

Zhupaj ka ushtruar detyrën e drejtorit të Kufirit dhe Migracionit në Korçë për rreth dy vite.

Në vend të tij, mësohet se është emëruar Luigj Vathi, i cili më herët ka mbajtur detyrën e drejtorit të Drejtorisë Vendore të Policisë Berat.

Ndërkohë, burime bëjnë me dije se lëvizje dhe ndryshime në strukturat drejtuese të Policisë së Shtetit janë bërë edhe në qarqe të tjera.

/vizionplus.tv