U kapën duke transportuar drogë, arrestohen dy të rinj në aksin Korçë-Bilisht

Dy të rinj janë arrestuar në Devoll, pasi dyshohet se po transportonin lëndë narkotike.

Sipas policisë, H.C., 28 vjeç dhe Sh.D., 27 vjeç, u ndaluan teksa udhëtonin me automjet në një rrugë dytësore që lidh një fshat me aksin Korçë-Bilisht.

Gjatë ndalimit, nga makina dyshohet se u hodh një qese me cannabis sativa. Kontrollet vijuan edhe në banesa, ku në shtëpinë e 28-vjeçarit u gjetën fara të dyshuara narkotike.

Të rinjtë akuzohen për “Prodhim dhe shitje të narkotikëve”, kryer në bashkëpunim. Policia vijon hetimet për persona të tjerë që mund të jenë të përfshirë.