Qindra të vdekur nga përmbytjet katastrofike në Nepal, garë me kohën për gjetjen e personave të zhdukur

Autoritetet nepaleze deri më tani kanë identifikuar gjithsej 270 trupa, pas përmbytjeve vdekjeprurëse që goditën zonat kufitare të Himalajeve të Nepalit dhe Tibetit.

Sipas përditësimit të fundit nga Ministria e Punëve të Jashtme e Nepalit, është “e pamundur të komunikohet” me 288 shtetas të huaj.

Më shumë se 1,300 persona rezultojnë të zhdukur në Nepal dhe Tibet, sipas përditësimit të fundit nga autoritetet.

Operacionet e kërkim-shpëtimit me helikopter vazhdojnë në vend, ndërsa po koordinohen fushatat e lëshimit të furnizimeve nga ajri për mijëra qytetarë që mbeten të bllokuar në fshatrat e tyre për shkak të tonelatave të baltës dhe mbeturinave.