Kryeministri Edi Rama prej ditësh ndodhet me pushime në jug të vendit, ndërkohë që në kryeqytet vijojnë pa ndërprerje protestat që kërkojnë largimin e tij dhe të qeverisë.
Ditën e sotme, në rrjetet sociale janë publikuar pamje nga një darkë që kryeministri Rama ka zhvilluar me Alex Soros, djalin e George Soros, i cili ndodhet në Shqipëri, me gjasa për pushime.
Darka është zhvilluar në një prej restoranteve në Dhërmi. Rama është fotografuar në restorant, duke darkuar ndërsa përballë tij është ulur Alex Soros.
Fillimisht u publikuan pamjet nga një gomone, por ishin të paqarta.
Megjithatë, duket se tashmë është bërë e qartë me foton e publikuar së fundmi në rrjetet sociale, ku siç shihet shfaqen Rama dhe Soros së bashku.
Mësohet se takimi është zhvilluar në mënyrë private, teksa janë fotografuar në një darkë private në Dhërmi.
