Drejtori i Përgjithshëm i Shërbimit Zjarrfikës, Arben Cara, është larguar nga detyra në një moment kur vendi po përballet me një situatë të rënduar nga zjarret.
Sipas burimeve, Cara ka paraqitur dorëheqjen një ditë më parë, ndërsa sot është firmosur edhe urdhri për përfundimin e detyrës së tij në krye të Shërbimit Zjarrfikës.
Nuk janë bërë ende të ditura arsyet që kanë çuar në vendimin e Carës për t’u larguar nga posti. Po ashtu, nuk ka një njoftim zyrtar nëse dorëheqja lidhet me situatën e krijuar nga zjarret në vend.
Largimi i tij vjen në një periudhë të vështirë për strukturat e emergjencave, teksa dhjetëra forca zjarrfikëse dhe struktura të tjera operacionale janë angazhuar prej ditësh në përballimin e vatrave aktive në disa qarqe.
