Kostandin Foni, kryetar i Shoqatës Kombëtare të Transportit Ndërqytetas, ka paralajmëruar se do të ulin deri në 50% numrin e autobusëve nëse institucionet përkatëse nuk reagojnë ndaj kërkesave të tyre.
Në një intervistë për News24, ai u shpreh se ditën e nesërme pritet të zhvillojnë një takim për të diskutuar për kërkesat e tyre.
“Në rast se nuk reagojmë për një 1 javë, operatorët janë të detyruar të ulin në 40 apo 50 përqind në mënyrë që të mos shkojnë drejt degradimit dhe mbylljes.”, u shpreh ai.
Duke përsëritur edhe njëherë kërkesat e tyre, ai tha:
“Ne kemi kërkuar heqjen e akcizës së karburantit. Për sa kohë legjislacioni që kemi për disa sektorë, e ka që mund ta heqë akcisën te karburanti e ka të mundur a bëjë, përse për këtë sektor jo. Operatorët nuk mund ta ndryshojën çmimin e biletës pa një vendim të këshillit bashkiak për transportin qytetar dhe pa një vendim të këshillit të ministrave për transportin interurban. Kemi kërkuar heqjen e taksës së qarkullimit te litri i karburantit. “, theksoi ai.
