Gjermania ka akuzuar Rusinë se qëndron pas tentativës së sulmit me dron të mbushur me eksploziv në aeroportin e Leipzigut muajin e kaluar.
Droni u zbulua pranë një aeroplani ukrainas në aeroport më 4 gusht, ndërsa lënda plasëse u çaktivizua pasi të dy pistat u mbyllën.
Ministri i Brendshëm gjerman, Alexander Dobrindt tha se ngjarja përputhet me një model të njohur të “operacioneve hibride ruse”.
Ai tha se qeveria gjermane “arriti në përfundimin se Rusia është përgjegjëse për sulmin hibrid në Leipzig”.
Ministri i Jashtëm Johann Wadephul tha se konsullata ruse në Bonn do të mbyllet më 18 shtator, ndërsa kanë thirrur edhe ambasadorin rus.
Sekretari i Përgjithshëm i NATO-s, Mark Rutte, reagoi duke thënë se blloku ushtarak “qëndron në solidaritet të plotë me Gjermaninë” pas sulmit hibrid rus.
“Provat janë të qarta”, shtoi ai në X, “dhe unë mirëpres masat e shpallura nga Gjermania në përgjigje.”
