"Nuk shitet Shqipëria"/ 99 ditë revoltë, qytetarët nuk e ndalin rezistencën, oshëtin bulevardi: Shqipëria kërkon revolucion
"Dy kërkesa janë urgjente, dorëheqja e Ramës dhe qeveria teknike"/ Protestuesi: Nesër 100-ditëshi, protestë k...
"Dy kërkesa janë urgjente, dorëheqja e Ramës dhe qeveria teknike"/ Protestuesi: Nesër 100-ditëshi, protestë k...
Berisha nga SHBA: Nga kjo platformë kam një kushtrim për të gjithë shqiptarët në botë, Shqipëria du...
Vatër zjarri në kodrat e Peshkëpisë në Selenicë, era favorizon përhapjen e flakëve 6 Shtator, 16:26 ...
Zbulohet si funksiononte skema e shitjes së drogës në Ksamil, anëtarët e grupit vinin nga Tirana dhe Elbasani vetë...
Juria në Las Vegas e shpalli Davis fajtor për një akuzë për vrasje me armë vdekjeprurëse, lidhur me vrasjen e Tupac Shakur më 7 shtator 1996. Vendimi i jep fund një hetimi që për afro tre dekada ka ushqyer teori të shumta konspirative dhe ka mbajtur të gjallë një prej mistereve më të mëdha të muzikës hip-hop.
SHBA- Ish-drejtuesi i një bande kriminale, Duane “Keffe D” Davis, është shpallur fajtor për vrasjen e reperit të njohur amerikan Tupac Shakur, duke shënuar dënimin e parë në një prej dosjeve më të bujshme të pazbardhura në historinë e Shteteve të Bashkuara. Juria në Las Vegas e shpalli Davis fajtor për një akuzë për vrasje me armë vdekjeprurëse, lidhur me vrasjen e Tupac Shakur më 7 shtator 1996. Vendimi i jep fund një hetimi që për afro tre dekada ka ushqyer teori të shumta konspirative dhe ka mbajtur të gjallë një prej mistereve më të mëdha të muzikës hip-hop.
63-vjeçari Davis, i veshur me një kostum të zi, qëndroi i qetë në sallën e gjyqit gjatë leximit të vendimit. Menjëherë pas vendimit, ai deklaroi se do ta apelojë çështjen. Ndërkohë, familjarët e Tupac Shakur reaguan me emocione të forta. Disa prej tyre u kapën për dore, u përqafuan dhe shpërthyen në lot pas vendimit. Tupac Shakur u vra në moshën vetëm 25-vjeçare, në kulmin e karrierës së tij. Reperi konsiderohet një prej figurave më me ndikim në historinë e muzikës rap dhe ka shitur më shumë se 75 milionë albume në mbarë botën.
View this post on Instagram
Sipas prokurorisë, Davis nuk ishte personi që qëlloi drejtpërdrejt mbi reperin, por ishte ai që organizoi sulmin dhe siguroi armën që u përdor në atentat. Prokurorët argumentuan se arma iu dha nipit të tij, Orlando Anderson, i cili dyshohet se hapi zjarr nga një automjet në lëvizje. Sipas versionit të paraqitur nga prokuroria, vrasja ishte një akt hakmarrjeje. Vetëm disa orë para të shtënave, Anderson ishte përfshirë në një përleshje me Tupac Shakur dhe pjesëtarë të grupit të tij në Las Vegas. Për prokurorët, kjo përleshje ishte shkëndija që çoi në organizimin e sulmit vdekjeprurës.
Mbrëmjen e 7 shtatorit 1996, Tupac ndodhej në Las Vegas kur një automjet u afrua pranë makinës me të cilën udhëtonte dhe u qëllua disa herë. Ai u dërgua në spital, por ndërroi jetë disa ditë më vonë, më 13 shtator 1996. Vrasja ndodhi në një periudhë të tensionuar për skenën amerikane të hip-hopit. Në atë kohë, rivaliteti mes skenës rap të Bregut Lindor dhe asaj të Bregut Perëndimor ishte në kulm, ndërsa konfliktet mes grupeve kriminale Bloods dhe Crips kishin depërtuar fuqishëm në kulturën e hip-hopit.
Për vite me radhë, mungesa e një të arrestuari dhe e një vendimi gjyqësor bëri që vrasja e Tupac të shndërrohej në një prej çështjeve më të famshme të pazbardhura në SHBA. Rreth saj u ngritën dhjetëra teori, pretendime dhe spekulime, ndërsa fansat e reperit vijuan të kërkonin përgjigje për atë që ndodhi atë natë në Las Vegas. Një prej provave kryesore të përdorura nga prokuroria kundër Davis ishin deklaratat e tij. Për vite me radhë, ai kishte folur publikisht për rolin e tij në ngjarje dhe kishte pranuar se ndodhej brenda një Cadillac-u të bardhë nga ku u kryen të shtënat fatale.
Davis kishte folur për përfshirjen e tij edhe gjatë një interviste sekrete me policinë në vitin 2008. Intervista ishte zhvilluar në kuadër të hetimeve për vrasjen e një tjetër legjende të hip-hopit, Christopher Uallace, i njohur si The Notorious B.I.G. Më vonë, Davis dha më shumë detaje në librin e tij të vitit 2019, “Compton Street Legend”, si dhe në intervista dhe dalje të ndryshme mediatike. Prokuroria argumentoi se deklaratat e tij publike dhe rrëfimet e përsëritura për rolin në vrasje përbënin një pjesë të rëndësishme të provave.
Megjithatë, mbrojtja e Davis pretendoi gjatë gjyqit se deklaratat e tij nuk duheshin marrë si të mirëqena. Avokatët argumentuan se ai kishte ekzagjeruar ose kishte sajuar histori për të fituar para, për të shitur librin dhe për të rritur famën e tij. Avokati Michael Sanft u kërkoi jurorëve të mos i besonin klientit të tij, duke e përshkruar atë si një person që kishte treguar histori për vite me radhë për përfitime personale. Mbrojtja këmbënguli se nuk kishte prova të mjaftueshme që Davis kishte urdhëruar vrasjen.
Prokuroria, nga ana tjetër, argumentoi se Davis kishte qenë vazhdimisht i qartë për rolin e tij. Në fjalën përmbyllëse, prokurori Binu Palal i kërkoi jurisë t’i merrnin seriozisht vetë deklaratat e Davis dhe ta shpallnin fajtor. Sipas prokurorisë, Davis kishte pranuar në forma të ndryshme se ishte përgjegjës për organizimin e sulmit. Palal e përshkroi atë si personin që merrte vendimet brenda South Side Compton Crips dhe argumentoi se prania e tij në automjet në momentin e të shtënave e lidhte drejtpërdrejt me vrasjen./Dosja.al
Horoskopi DashiSot ndjeni një shtysë të fortë për të ndryshuar diçka që prej kohësh nuk ju kënaq. N&eum...
BRITANI- Stilisti britanik i modës John Galliano ishte një ndër zgjedhjet më të diskutueshme për eventin vjetor të dre...
Kylie Jenner LOS ANGELES- Kylie Jenner ka reaguar së fundmi pas kritikave të shumta nga ndjekësit për faktin se u cilësua si ...
SHBA- Tom Cruise ka njoftuar se do të luajë përsëri rolin e Cole Trickle në vazhdimin e filmit "Days of Thunder", premiera e t&e...
SHBA- Legjenda e muzikës country, Dolly Parton, është varrosur pranë bashkëshortit të saj të ndjerë, Carl Dean, n...
AUSTRALI- Këngëtarja australiane Kylie Minogue ka rikthyer edhe njëherë në vëmendje dukjen e saj nga videoklipi i hitit q&e...
LONDËR- Harry Styles gjatë koncertit në Madison Square Garden ka vënë në dukje dasmën e ish-partneres së tij Taylor Sw...
NEW YORK- Këngëtarja shqiptare me famë botërore, Bebe Rexha ka ndarë disa fotografi me ndjekësit nga ditëlindja e...
DashiNjë ditë me energji të fortë për ju, veçanërisht në aspektin profesional. Mund të ndjeni dëshirë...
SHBA- Ivanka Trump vajza e presidentit amerikan Donald Trump është shfaqur në pushimet e saj në Costa Rica duke provuar pasionin e sa...
