Pas 3 viteve në detyrë, Rudin Beka ka dhënë dorëheqjen nga zëvendëskryetar i bashkisë Shkodër. Gjatë kësaj periudhe, ka mbuluar sektorë të rëndësishëm si drejtoritë kryesore të planifikimit ekonomik, turizmit, bujqesinë, kulturën, sportin, arsimin, marrëdhëniet me donatorët, biznesin, drejtorinë e të ardhurave dhe menaxhimin e projektet strategjike të bashkisë.
Me 14 maj 2023, Beka ishte pjesë e listës së PS për Këshillin e Bashkisë Shkodër dhe dha dorëheqjen si këshilltar për tu bërë pjesë e administratës bashkiake.
Para marrjes së detyrës në bashki, Rudin Beka ishte pedagog i Ekonomikut në Universitetin e Shkodrës “Luigj Gurakuqi.
Kush është Rudin Beka
Rudin Beka është pedagog i Fakultetit Ekonomik pranë Universitetit “Luigj Gurakuqi” në fushën Turizmit dhe Komunikimit. Ka mbaruar studimet e larta në Gjermani dhe ka PhD në Brandim dhe Impresionizëm.
Me eksperienca mësimdhënie në Universitete Amerikane, pjesëmarrës nëkonferenca ne UK mbi problemet e turizmit, publikues librash në Amazon, autor kërkimesh ne revista ndërkombetare, drejtues projektesh dhe organizator i aktivitetëve studentore në qytet.
Pritet që Rudin Beka të emërohet në një detyrë tjetër. ShkodraWeb i uron suksese në detyrën e re. /ShkodraWeb/
