Tre persona janë arrestuar nga Policia e Kurbinit, ndërsa një tjetër është shpallur në kërkim, pas një konflikti që përfundoi me të shtëna me armë zjarri në drejtim të një automjeti.
Ngjarja ka ndodhur mesditën e djeshme në rrugën e Patokut, ku një 38-vjeçar ka kallëzuar në polici se, teksa lëvizte me automjet, ishte qëlluar me armë zjarri.
Pas veprimeve të shpejta hetimore dhe policore, specialistët e Seksionit për Hetimin e Krimeve Kundër Personit kanë bërë të mundur lokalizimin dhe ndalimin e tre personave, përkatësisht 67, 40 dhe 28 vjeç, të gjithë banues në Laç.
