Vdes pas dy javësh 46-vjeçari i aksidentuar në Loxhë të Pejës

Është ndarë të shtunën nga jeta 46-vjeçari që u aksidentua më 18 gusht në fshatin Loxhë të Pejës, transmeton Gazeta Metro.

46-vjeçari ishte Ismet Selim Alimusaj nga Strellci i Deçanit.

Lajmin për vdekjen e tij e ka konfirmuar edhe zëdhënësi i Policisë për rajonin e Pejës, Driton Rugova.

“Sot, më 5 shtator 2026, Policia është informuar se një person, i cili ishte aksidentuar më 18 gusht në fshatin Loxhë, ka ndërruar jetë në një spital në Shkup. Trupi i pajetë do të dërgohet në Institutin e Mjekësisë Ligjore për obduksion”, pati konfirmuar Rugova./gazetametro.net