Rënia e euros përballë lekut vijon të ndikojë në ekonomi, duke krijuar një situatë me përfitues dhe humbës. Sipas ekspertit Klodian Muço, Forcimi i monedhës vendase ndikon pozitivisht në borxhin e jashtëm, importet dhe teorikisht tek çmimet për mallrat dhe shërbimet.
“Ekonomia shqiptare përfiton, le të themi kur marrim importe nga jashtë, por që përsëri kemi atë debatin e ditëve të sotme që s’i ka mundësi që janë rritur çmimet. Teorikisht duhet të përfitonin nga të gjitha produktet e importuara. Po ashtu mund të përfitohet një pjesë shteti për arsye të borxhit publik. Duke qenë që një pjesë e borxhit publik në Shqipëri rreth 48% në të kaluarën ka qenë në valutë të huaj. Të gjithë ata shqiptarë që kanë marrë një kredi në euro, por që të ardhurat e tyre i kanë në lekë”, tha ai.
Por efekti është i kundërt për eksportuesit, turizmin dhe përfituesit e remitancave.
“Humbet bujqësia sepse nuk eksporton. Humbet industria se nuk eksporton. U mbet turizmi sepse turizmi duke i patur të ardhurat në euro, eurot kur kthehen futen në territorin e Shqipërisë kthehen në lekë dhe kthehen më pak lek. Humbasin ata që sjellin remitanca të Shqipërisë sepse remitancat 90% janë euro”, tha Enriko Ceko, ekspert ekonomie.
Megjithatë ekspertët bien dakord në një pikë, Shqipëria duhet të përgatitet për përdorimit e një monedhe të vetme, atë të euros.