Një tren pasagjerësh është përplasur me një rimorkio kamioni gjatë kalimit në stacionin hekurudhor në Poloni, ndërsa momenti i aksidentit është regjistruar nga kamerat e mbikëqyrjes.
Ngjarja ka ndodhur të enjten, më 3 shtator. Pamjet tregojnë kamionin duke kaluar mbi shina në momentin kur barrierat e kalimit hekurudhor po uleshin.
Automjeti ka ndaluar dhe ka mbetur i bllokuar mbi shina. Sipas kompanisë shtetërore të hekurudhave polake, një kalimtar i është drejtuar shoferit, duke e nxitur të thyente barrierën dhe të largohej nga shinat.
Vetëm pak çaste më vonë, treni i pasagjerëve ka mbërritur në kalim dhe është përplasur ballë për ballë me rimorkion.
Sipas Linjave Hekurudhore Polake, drejtuesi i kamionit nuk ka pësuar dëmtime, ndërsa drejtuesi i trenit është transportuar në spital për kontroll mjekësor, por nuk ka marrë plagë të rënda.
Fatmirësisht, asnjë nga pasagjerët e trenit nuk është lënduar.
Autoritetet po hetojnë rrethanat e aksidentit, ndërsa pamjet e kamerave kanë dokumentuar të gjithë momentin e përplasjes./Versus.al
View this post on Instagram
