Një aksident me pasojë vdekjen është regjistruar mëngjesin e kësaj të hëne në autostradën Levan-Tepelenë, pranë rrethrrotullimit të Levanit.
Dy automjete, një “Benz” dhe një “Audi”, janë përplasur me njëri-tjetrin. Përplasja ka qenë e fortë dhe drejtuesi i “Audit” ka humbur jetën.
Aksidenti ndodhi në orët e para të mëngjesit, në afërsi të rrethrrotullimit të Levanit, në aksin Levan-Tepelenë.
Nga përplasja mes dy automjeteve, drejtuesi i “Audit” ka humbur jetën.
Trupi i tij është transportuar drejt morgut.
Në vendngjarje kanë mbërritur shërbimet e Policisë, të cilat kanë nisur verifikimet për të përcaktuar rrethanat dhe dinamikën e aksidentit.
Paraprakisht, dyshohet se shpejtësia mbi normat e lejuara mund të ketë ndikuar në përplasjen e dy automjeteve, por shkaku i saktë do të përcaktohet pas hetimeve.
