Shoqata e Naftëtarëve të Kosovës ka mirëpritur vendimin e Ministrisë së Industrisë, Ndërmarrësisë dhe Tregtisë për anulimin e masës së përcaktimit të çmimeve të derivateve dhe rikthimin e tregut të lirë.

Sipas kësaj shoqate, konkurrenca e lirë u mundëson konsumatorëve të zgjedhin ofertën më të favorshme dhe i nxit operatorët të ofrojnë çmime më konkurruese, furnizim të sigurt dhe shërbime më cilësore.

Në reagim theksohet se çmimet e naftës në tregjet ndërkombëtare mbeten të larta dhe me luhatje të vazhdueshme, gjë që ndikon drejtpërdrejt në Kosovë si vend tërësisht importues.

Nga Shoqata e Naftëtarëve thonë se po e monitorojnë tregun çdo ditë për të optimizuar kostot, me qëllim që ndikimi te konsumatorët të jetë sa më i përballueshëm.

Ky vendim i MINT-it vjen pas një periudhe të zgjatur të rregullimit të çmimeve pas krizës në Lindjen e Mesme.

Ministrja në detyrë e MINT-it, Mimoza Kusari-Lila, deklaroi se ndonëse baza ligjore parashikon kufizim të çmimeve deri në 90 ditë, ministria e kishte zgjatur këtë periudhë deri në 150 ditë.

IN Promo Marketing

AAB shënon një nga mbrëmjet më të veçanta akademike: Gjenerata XXIII diplomon në një ceremoni madhështore

Planifikoni udhëtimin tuaj nga Kölni në Prishtinë me PrishtinaTicket

Nga misteri i fushatës te Malet e Sharrit: Trepika, uji më i ri në treg që bashkon shqiptarët e rajonit