Vapa vijon të mbajë nën vendin, ndërsa temperaturat e larta kanë rritur rrezikun për përhapjen e zjarreve në disa qarqe të vendit. Për pasditen e sotme dhe gjatë ditës së nesërme, pesë qarqe klasifikohen me nivel të lartë rreziku, ndërsa në gjashtë të tjera rreziku mbetet i moderuar.
Sipas parashikimeve të Institutit të Gjeoshkencave, qarqet Shkodër, Lezhë, Durrës, Tiranë dhe Fier do të jenë në nivelin më të lartë të rrezikut për përhapjen e zjarreve.
Situata pritet të jetë edhe më e favorshme për përhapjen e flakëve gjatë ditës së nesërme, për shkak të kushteve meteorologjike dhe temperaturave të larta.
Përveç pesë qarqeve me rrezik të lartë, parashikimi i Institutit të Gjeoshkencave evidenton edhe gjashtë qarqe të tjera ku rreziku për zjarret klasifikohet si i moderuar.
Bëhet fjalë për Kukësin, Dibrën, Elbasanin, Beratin, Vlorën dhe Gjirokastrën.
Ndërkohë, Korça është qarku i vetëm ku parashikohet një nivel i ulët rreziku për përhapjen e zjarreve.
Sa i përket motit, temperaturat do të vijojnë të jenë të larta.
Gjatë ditës së nesërme, vlerat minimale dhe maksimale pritet të luhaten:
Era pritet të jetë e lehtë deri mesatare gjatë pasdites së sotme dhe ditës së nesërme./ Zoom.al
