web counter
LEXO PA REKLAMA!

SHKARKO APP

App Store
Google Play

Konferenca Ndërkombëtare Jubilare në Kryegjyshatën Bektashiane/ Baba Mondi: Kjo ditë është dëshmi e përkushtimit dhe besimit

7 Shtator 2026, 09:29, Aktualitet CNA

Një ngjarje e veçantë jubilare që bashkon historinë, besimin, kulturën dhe vizionin për të ardhmen zhvillohet sot në Kryegjyshatën Botërore Bektashiane.

Konferenca Ndërkombëtare Jubilare kremton tre momente të rëndësishme të rrugëtimit bashkëkohor të Kryegjyshatës Bektashiane, të cilat janë:

-35 vjetori i rihapjes së Kryegjyshatës Botërore Bektashiane (1991–2026);

-15 vjetori i zgjedhjes së Kryegjyshit Botëror, Haxhi Dede Baba Edmond Brahimaj (2011–2026); 

-11 vjetori i inaugurimit të Kompleksit Kulturor “Odeon” (2015–2026).

Kryegjyshi Botëror i Bektashinjve, Haxhi Dede Edmond Brahimaj mbajti fjalimin e tij në nisje të konferencës, i cili e cilësoi ditën e sotme si një ditë të shenjtë ku kujtohen ata që mbajtën gjallë dritën e Haxhi Bektashit.

Ndër të tjera, Kryegjyshi Botëror i Bektashinjve, u shpreh se ky 35-vjetor është dëshmi e përkushtimit dhe besimit që po ashtu tregon edhe bashkëpunim mes komuniteteve fetare.

“Kujtojmë sot 35-vjetorin e rihapjes së Kryegjyshatës botërore. Konferenca mbahet në një ditë të veçantë të Kryegjyshatës, ku shënohen tre pika: 35-vjetori i rihapjes së Kryegjyshatës,15 vjetori si drejtues i Kryegjyshatës dhe 11 vjetorin e hapjes së kompleksit. Kjo është jo vetëm ditë historike por dëshmi e gjallë e ringritjes, përkushtimit dhe besimit. Ditë e shenjtë që të kujtojmë paraardhësit tanë që mbajtën gjallë dritën e Haxhi Bektashit. Ky 35-vjetor tregon bashkëpunim edhe mes komuniteteve fetare për të kaluar vëshitërësite e kësaj bote të përkohshme. Të gjithë bashkë mundohemi t japim bashkë mesazhin e mirësisë dhe dashurisë”, u shpreh Baba Mondi. /CNA





Lajmet e fundit nga