Një ngjarje e rëndë ka tronditur së fundmi mediat turke, pasi aktori i njohur Serhat Kiliç është gjetur pa shenja jete në banesën e tij, në lagjen Nurtepe të rrethit Kagithane në Stamboll.
Trupi i pajetë i 51-vjeçarit është gjetur nga e dashura e tij, e cila kishte humbur kontaktet me aktorin prej disa ditësh. Sipas raportimeve të mediave turke, ajo shkoi në banesën e aktorit pasi nuk po arrinte të komunikonte me të.
Pasi trokiti në derë dhe nuk mori përgjigje, ajo hyri në banesë, ku e gjeti aktorin të ulur në një kolltuk në sallon. Ai nuk merrte frymë dhe trupi i tij ishte i ftohtë. Menjëherë pas konstatimit, ajo kërkoi ndihmë përmes Qendrës së Thirrjeve të Urgjencës. Në vendngjarje mbërritën ekipet e emergjencës dhe autoritetet, të cilat nisën hetimet për të përcaktuar rrethanat dhe shkakun e saktë të vdekjes.
Gjatë dëshmisë së saj para policisë, e dashura e aktorit deklaroi se ai vuante nga limfoma, një sëmundje tumorale që prek sistemin limfatik dhe qelizat e sistemit imunitar.
Ekzaminimet fillestare nuk kanë evidentuar shenja të dukshme të dhunës fizike apo plagë të hapura në trupin e aktorit. Megjithatë, për të përcaktuar me saktësi shkakun e vdekjes, autoritetet e kanë dërguar trupin e tij në morgun e Institutit të Mjekësisë Ligjore, ku pritet t’i nënshtrohet autopsisë.
Serhat Kiliç ishte një figurë e njohur e televizionit, teatrit dhe kinematografisë turke. Në vitin 2014, ai themeloi edhe akademinë e tij të aktrimit dhe teatrit.
Sondazh
Lexo gjithashtu
Kërcënoi me armë zjarri pronarin e Onima-s, Gjesti shpëton paq nga burgu
Policia e arrestoi, Hati e rrjeteve sociale mbështet këngëtarin Jozi (POSTIMI)
