Një 49-vjeçare me origjinë filipineze ka ndërruar jetë në spital, pasi ishte ndjerë keq menjëherë pas mbërritjes në Aeroportin “Nënë Tereza” në Rinas.
Sipas Policisë, 49-vjeçarja kishte mbërritur në Shqipëri më 4 shtator dhe, pasi nuk ishte ndjerë mirë në aeroport, kishte marrë ndihmën e parë nga stafi mjekësor.
Më pas ajo ishte dërguar drejt QSUT për ndihmë mjekësore por ka fatkeqësisht ka ndërruar jetë, për arsye dhe rrethana ende të paqarta.
“Më datë 05.09.2026, në spital ka ndërruar jetë një shtetase filipineze, 49 vjeçe, e cila më datë 04.09.2026 kishte mbërritur në Aeroportin “Nënë Tereza” Rinas, ku nuk është ndjerë mirë.
Pasi ka marrë ndihmën e parë nga stafi mjekësor pranë Aeroportit, është transportuar me autoambulancë në QSUT, për ndihmë më të specializuar. Punohet për sqarimin dhe dokumentimin e plotë të rastit“, thuhet në njoftimin e policisë.
