“Ndodhi aksidentalisht”, flasin familjarët e 16-vjeçarit nga Rahoveci (VIDEO)

Blenis Gashi, 16-vjeçari nga fshati Fortesë i Rahovecit, dyshohet se u vetëplagos mbrëmjen e së dielës, ku si pasojë e lëndimeve të rënda nuk arriti të mbijetonte.

Këto detaje i ka bërë të ditura gazetarja e Klan Kosovës, Vesa Hoda, transmeton Klankosova.tv.

Hoda bëri të ditur se në shtëpinë e viktimës, Policia ka gjetur dhe sekuestruar një armë zjarri, ndërsa sipas familjarëve rasti i rëndë ka ndodhur aksidentalisht.

“Ende nuk janë zbardhur të gjitha rrethanat”, tha tutje gazetarja.

I mituri do të varroset sot në varrezat e fshatit Fortesë. /Klankosova.tv