Flash News

Vrasja e Viktor Bardhit, kontrolle blic në 5 banesa të familjes Reçi

Vrasja e Eglant Koçit/ Ja çfarë u kërkoi Sharkaj dy lavazhierëve

Dy persona me motor hapën zjarr, plagoset 55-vjeçari shqiptar në Athinë

Nga Tirana te Durrësi e Vlora, si betonizimi mbush arkat e bashkive

Përplasen dy automjete në aksin Pogradec-Korçë, dy gra përfundojnë në spital

E-TJERA

"Tentuan të më vidhnin motorin”, flet shqiptari pas atentatit në Athinë

Politiko 7 September 2026, 13:12

-640-0-1788775416x112046b1-220e-42f7-8cb4-d846a4902946-235.jpg

Eduart Mullaj, 55 vjeç, nga Delvina, është shqiptari që mbeti i plagosur në orët e para të mëngjesit të së hënës në zonën e Patisias, në Athinë.

Ngjarja ndodhi rreth orës 05:00, jashtë banesës së 55-vjeçarit. Dy persona që lëviznin me motor iu afruan dhe hapën zjarr në drejtim të tij, për t’u larguar më pas me shpejtësi nga vendngjarja.

Mullaj u plagos në gjymtyrët e poshtme dhe u transportua në spitalin “Georgios Gennimatas”, ku ndodhet jashtë rrezikut për jetën. Në vendngjarje, policia greke gjeti tre gëzhoja dhe një predhë.

Sipas dëshmisë së dhënë nga 55-vjeçari, dy autorët dyshohet se kishin tentuar t’i vidhnin motorin dhe kanë hapur zjarr ndaj tij. Megjithatë, hetuesit grekë nuk duket se janë bindur nga kjo dëshmi dhe po shqyrtojnë edhe pista të tjera për motivin e sulmit.

Një prej pistave që po hetohet lidhet me një ngjarje të ndodhur rreth një muaj më parë në të njëjtin vend, ku gjithashtu pati të shtëna me armë zjarri, por pa të plagosur.

Autoritetet greke po verifikojnë nëse dy episodet kanë lidhje me njëri-tjetrin dhe nëse sulmi ndaj 55-vjeçarit ka qenë një paralajmërim apo ka pasur një motiv tjetër.

Ndërkohë, policia vijon hetimet për identifikimin dhe kapjen e dy personave që qëlluan ndaj shqiptarit.

Të fundit