Policia e Elbasanit ka arrestuar në flagrancë dy persona, të cilët u kapën duke transportuar 8 emigrantë nga vendet e treta, që kishin hyrë ilegalisht në territorin e Shqipërisë.
Sipas njoftimit të policisë, në pranga kanë rënë shtetasit L. L., 23 vjeç, banues në Shkozet, dhe E. M., 20 vjeç, banues në Durrës.
Dy të rinjtë u kapën duke transportuar emigrantët, ndërsa në cilësinë e provës materiale u sekuestruan dy automjetet e përdorura për kryerjen e këtij aktiviteti.
Njoftimi i Policisë:
DVP Elbasan/Finalizohen 2 faza të tjera të operacionit policor të koduar “Aksi”, për goditjen e veprimtarisë kriminale të dhënies së ndihmës për kalim të paligjshëm të kufirit, kundrejt përfitimit
Arrestohen 2 shtetas që transportonin 8 emigrantë nga Vendet e Treta, të cilët kishin hyrë ilegalisht në Shqipëri.
Sekuestrohen 2 automjete të përdorura për transportimin e emigrantëve.
Specialistët e Seksionit për Hetimin e Trafiqeve të DVP Elbasan, në vijim të operacionit policor të koduar “Aksi”, bazuar në informacionet e siguruara, kanë finalizuar edhe 2 faza të tjera të këtij operacioni. Konkretisht:
Gjatë fazës së operacionit “Aksi 4”, u arrestua në flagrancë shtetasi L. L., 23 vjeç, banues në Shkozet.
Gjatë fazës së operacionit “Aksi 5”, u arrestua në flagrancë shtetasi E. M., 20 vjeç, banues në Durrës.
Në cilësinë e provës materiale u sekuestruan 2 automjetet e përdorura për transportimin e emigrantëve.
Vijojnë hetimet për dokumentimin e plotë të kësaj veprimtarie kriminale, si dhe për identifikimin e personave të tjerë të përfshirë.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Sondazh
Lexo gjithashtu
