Administrata Tatimore e Kosovës (ATK),  ka inkasuar 813 milionë euro të hyra tatimore nga janari deri në gusht të këtij viti, ose 100 milionë euro më shumë se në periudhën e njëjtë të vitit të kaluar, apo 14% rritje.

Sipas njoftimit të ATK-së, kjo performancë e të hyrave tregon një trend të fuqishëm të rritjes dhe një nivel gjithnjë e më të lartë të mbledhjes së të hyrave tatimore.

Në fund thuhet se me këtë ritëm të rritjes, Administrata Tatimore e Kosovës është shumë pranë tejkalimit të pragut prej 1 miliard euro të hyra tatimore  një rezultat i rëndësishëm dhe një tjetër dëshmi e performancës së lartë të ATK-së.