Te fundit
Kryeministri më i paguar në botë merr rritje page mbi 1 milion dollarë
8 Shtator 2026, 16:50Bota
TEMA
Kryeministri i Singaporit, Lawrence Wong, do të përfitojë një rritje të konsiderueshme të pagës, duke e çuar paketën e tij vjetore në rreth 3.6 milionë dollarë singaporianë, ose afërsisht 2.8 milionë dollarë amerikanë.
Qeveria e Singaporit ka njoftuar rritjen e pagave për ministrat dhe drejtuesit e tjerë të lartë shtetërorë, duke argumentuar se masa është e nevojshme për të tërhequr njerëzit më të talentuar drejt politikës.
Wong do të përfitojë rreth 1.4 milionë dollarë singaporianë shtesë në paketën e tij vjetore të pagës. Kryeministri ka deklaruar se do ta dhurojë të gjithë këtë rritje për bamirësi gjatë pesë viteve të ardhshme.
Aktualisht, Wong merr rreth 2.2 milionë dollarë singaporianë në vit. Me skemën e re, të ardhurat e tij do të rriten në rreth 3.6 milionë dollarë singaporianë, duke e mbajtur atë në krye të listës së liderëve politikë më të paguar në botë.
Qeveria singaporiane mbron prej vitesh sistemin e pagave të larta, duke argumentuar se ai ndihmon në tërheqjen e profesionistëve të aftë dhe ul rrezikun e korrupsionit.
Megjithatë, vendimi ka shkaktuar reagime kritike në Singapor, veçanërisht për shkak të kostos së jetesës, pasigurisë në tregun e punës dhe hendekut të madh mes pagave të zyrtarëve të lartë dhe të ardhurave të qytetarëve të zakonshëm.
Të ardhurat mesatare mujore në Singapor janë rreth 5,775 dollarë singaporianë, një shifër shumë më e ulët se të ardhurat e kryeministrit.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Apsulutish kryministri më i pagumë sot në botë besoj se ështe Edi Rama, i ndjekur pasë nga kytari i opozitës" Sali Berisha apo më mirë thën nga familja e ti mafjozë sye peshkaqeni boshnjak.. Edi Rama me njeizt e ti, po të kishin ose po të vjedhin 2 ose 3 milon dollar në çdo tender do javë kishim bër (hallallë) por këta horra në një ternde vjedhin me 10 milona, prandaj ky Ramen dhe familjën e saliut nukë krahasohët...