Te fundit
Lorik Cana i zhgënjyer nga mbështetja për Mlladiçin: Serbia nuk po mëson nga e kaluara
8 Shtator 2026, 15:10Sport
TEMA
Ish-kapiteni i Kombëtares së Shqipërisë, Lorik Cana, ka reaguar ashpër përmes një postimi në Instagram, duke komentuar një fotografi të një vajze dhe duke shprehur shqetësimin e tij për mënyrën se si brezat e rinj po përballen me të kaluarën dhe raportet mes popujve.
Cana ka thënë se fotografia e ka bërë “thellësisht të trishtuar”, duke theksuar se brezi i ri duhet të jetë ai që sjell shpresë, perspektivë dhe një të ardhme të përbashkët e paqësore mes popujve.
“Fotoja e kësaj vajze më bën thellësisht të trishtuar, për një brez që duhet të japë shpresë dhe një perspektivë të një të ardhmeje të përbashkët dhe paqësore, me lidhje të sinqerta mes popujve tanë”, ka shkruar Cana.
Ai ka theksuar se personat e rinj nuk e kanë përjetuar luftën e vitit 1992, por, sipas tij, janë edukuar për të trashëguar urrejtjen dhe për të interpretuar në mënyrë të gabuar figurat e së kaluarës.
“Në vitin 1992 ajo nuk kishte lindur ende, të cilët nuk e përjetuan atë luftë, por u edukuan për të trashëguar urrejtjen, për të marrë gabimisht një kriminel përgjegjës për krimin më makabër kundër njerëzimit që nga Lufta e Dytë Botërore si një patriot, dhe një dënim për gjenocid si një fyerje ndaj kombit!”, ka deklaruar ish-kapiteni kuqezi.
Në fund të reagimit të tij, Cana ka bërë thirrje për reflektim dhe ndryshim, duke thënë se të gjitha kombet kanë përgjegjësi për të mësuar nga e kaluara dhe për të ndërtuar një të ardhme më të mirë për brezat e rinj.
“Të gjitha kombet kanë detyrat e tyre të shtëpisë për të bërë për brezat e ardhshëm, por Serbia nuk po mëson nga e kaluara dhe vazhdon të jetojë në të kaluarën e saj të trazuar dhe nuk po mendon për ndryshimin e politikave!!!”, ka përfunduar Cana.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
No koment per Serbine sepse ata jane shtet i mbaruar pa te ardhme por ti o Lorik nuk ke shfaqur aspak sjellje shqiptari te vertet nder vite, oportunist frikacak dhe budalla
Cpune ka ky turku me gjerat e brendshme he serbi? Edhe shkiptaret festojne pashallare osmane qe kane masakruar Arber,Serb etj pse nuk hap gojen per ta ky turku?
Cana, futbollisti, tek kepucet!
Pse Cana nga ana e tij dhe gjithë patriotët e Canës së bashku me brezin e ri paskan hequr mënjanë urrejtjen dhe po propagandojnë për një të ardhme të përbashkët e paqësore me Serbinë?!!! Të shprehet dikush me një deklaratë të tillë jo vetëm në Kosovë, por edhe në Shqipëri do ta cilësonin tradhtar e agjent të Serbisë. Si do quhesh "patriot" po nuk cilëson serbin armik dhe nuk propagandon në familje, në shkolla, në xhami, në punë, në media, në parlament e kudo urrejtje për ta?!!!