Pagat e reja të magjistratëve, Balla: Do të votohen në Parlament më 17 shtator

Kryetari i Grupit Parlamentar të Partisë Socialiste, Taulant Balla, njoftoi se pagat e reja të magjistratëve do të votohen në Parlament më 17 shtator.

“Në Kuvend ka 140 deputetë, por vetëm 2 deputetë të PS-së kanë dorëzuar një projektligj që adreson vendimin e Kushtetueses. Kështu po e ushtrojmë përgjegjësinë që na takon. Kemi parashikuar shqyrtimin dhe miratimin e këtij projektligji në datën 17 shtator. Në demokraci, secili ka këndvështrimin e vet, jurisprudenca nuk është ekzakte. Projektligji është depozituar brenda afatit të caktuar nga Kushtetuesja dhe do të shqyrtohet me prioritet. Është një projektligj që nuk shqyrtohet me procedurë të përshpejtuar. Atyre që iu djeg barku, që kur iu teket shkojnë e shajnë me libër shtëpie prokurorë dhe gjyqtarë dhe sot mendojnë se duhet të mbështesin pagat e gjyqtarëve. Si qytetar mendoj se, në një shtet demokratik, me ndarje të pushteteve, kompetenca për caktimin e pagave është vetëm e Kuvendit. Prisni të flasë Kuvendi”, tha Balla.

vijon

Pagat e reja të magjistratëve, Balla: Do të votohen në Parlament më 17 shtator pic.twitter.com/EL9E0dgAow

— Euronews Albania (@EuronewsAlbania) September 8, 2026